Gwamnatin Katsina ta tabbatar da mutuwar Janar Rabe a hannun ƴan bindiga

Gwamnatin Jihar Katsina ta tabbatar da mutuwar tsohon Janar din Soji, Rabe Abubakar, wanda ya kasance tsohon Daraktan Yada Labaran Tsaro na Rundunar Sojin Najeriya, bayan da ‘yan bindiga suka yi garkuwa da shi tare da matarsa a wata hanyar Katsina zuwa Matazu a ranar 30 ga Mayu, 2026.

Rahotanni sun nuna cewa maharan sun tare motarsu ne suka yi awon gaba da su zuwa cikin daji, inda aka ci gaba da kokarin ceto su daga bisani.

Bayan aukuwar lamarin, hukumomin tsaro sun kaddamar da aikin bincike da ceto domin gano inda aka kai su, yayin da aka tabbatar da cewa ana tattaunawa tsakanin wasu shugabannin ‘yan bindiga da iyalan wanda aka sace.

Rahotanni sun ce an samu wata hanyar sadarwa da ke nuna cewa suna raye a farkon lokacin da aka yi garkuwar, sai dai daga baya aka samu sabanin bayanai kan halin da suke ciki.

Lamarin ya kara jawo hankalin al’umma kan matsalar tsaro a Arewacin Najeriya, musamman a Jihar Katsina da ke yawan fuskantar hare-haren ‘yan bindiga da sace-sacen mutane.

Hukumomi da al’umma na ci gaba da kira ga gwamnati da ta kara karfafa matakan tsaro domin dakile wannan matsala da ke kara ta’azzara a yankin.