Trump ya yi gagarumin bikin ranar haihuwarsa a Washington cikin matakan tsaro da karfin soji
Shugaban Amurka, Donald Trump, ya gudanar da gagarumin biki a Washington D.C. domin murnar ranar haihuwarsa, inda aka nuna manyan kayan aikin soja kamar tankoki da jiragen sama tare da halartar dubban sojoji da jami’an tsaro.
An gudanar da taron cikin tsauraran matakai, lamarin da ya jawo hankalin jama’a da kafafen yada labarai, inda wasu ke kallonsa a matsayin nuna ƙarfi da kishin ƙasa yayin da wasu ke ganin ya ɗauki salo na siyasa fiye da bikin murna.
Duk da cece-kuce da aka samu, Trump ya bayyana bikin a matsayin babban nasara da ke nuna ƙarfafa martabar Amurka da haɗin kan al’umma.
