Sojoji sun kama wanda ake zargi da safarar bindiga a Taraba
Sojojin da aka tura a karamar hukumar Ibi da kuma sansanin horaswa na Wukari sun kama wani da ake zargi da safarar bindiga kuma sun kwato makamai, harsasai, da sauran kayayyaki a lokacin wani samame da jami’an leken asiri suka kai a jihar Taraba.
Majiyoyin tsaro sun bayyana cewa sojojin sun yi aiki ne bisa ga bayanan sirri game da wata motar Peugeot da ake zargi da zuwa yankin na Ibi.
Sojojin sun yi gaggawar tattara kayan tare da kama motar da wanda ake zargin.
An kama wanda ake zargin, wanda aka bayyana sunansa da Abubakar Ibrahim, mai shekaru 48, daga karamar hukumar Barkin-Ladi ta jihar Plateau.
