An jiyo manyan bindigogi da fashewar abubuwa a Jamhuriyar Nijar
An bayar da rahoton harbe-harben bindiga da fashewar abubuwa da sanyin safiyar Alhamis kusa da filin jirgin saman kasa da kasa a Niamey, babban birnin Nijar.
An fara harbe-harben jim kadan bayan tsakar dare, a cewar mazauna wata unguwa kusa da filin jirgin.
An samu kwanciyar hankali bayan sa’o’i biyu.
Ba a fayyace abin da ya haifar da harbin ba nan take kuma ko akwai wadanda suka mutu.
Filin jirgin saman Diori Hamani na babban birnin kasar yana da sansanin sojojin sama kuma yana da nisan kilomita 10 daga fadar shugaban kasa.
